ದೇಶದೆಲ್ಲೆಡೆ ಸ್ವಾತಂತ್ರೋತ್ಸವದ ಸಂಭ್ರಮ. ಎಲ್ಲೆಡೆ? ಹೌದೆ? ಬೆಳ್ಳಂಬೆಳಗ್ಗೆ ಎದ್ದು, ತಣ್ಣೀರು ಹೊಯ್ದುಕೊಂಡು, ಕಾಲೇಜಿಗೆ ಹೊರಟಿದ್ದ ಇವನ ಮನಸ್ಸಿನೊಳಗೂ? ಏನಿದು ಸಂಭ್ರಮ? ಏತಕ್ಕಾಗಿ? ಪ್ರಾಯಶಃ ವರುಷ ಕಳೆದಂತೆ, ಇವನಲ್ಲಿ ಸಂಭ್ರಮ ಕುಗ್ಗಿದ್ದು Inverse proportionality ಗೆ ಒಂದು ಉದಾಹರಣೆ. ವಯಸ್ಸು ಚಿಕ್ಕದಿದ್ದಾಗ ಸಂಭ್ರಮಕ್ಕೆ ಕಾರಣವೇ ಬೇಕಿರಲಿಲ್ಲ. ಜನ ಜೌಗುಳಿ, ಹೊಸ ಜಾಗ, ಪೆರೇಡ್, ವಿವಿಧ ಕಾರ್ಯಕ್ರಮಗಳು, ಸಿಹಿತಿಂಡಿಗಳು! ಆಗಸ್ಟ್ 15ರ ಸಂಭ್ರಮಕ್ಕೆ ಇನ್ನಷ್ಟರ ಅಗತ್ಯವಿರಲಿಲ್ಲ. ನಾಲ್ಕೈದು ಜನ ನಾಲ್ಕೈದು ಮಾಹಿತಿಗಳು. ತಮಗೆ ತೋಚಿದಂತೆ ತಿರುಚಿ, ತುರುಕಿ ಹೋದರೆ ಅವರ ಸಂಭ್ರಮವೂ ತೀರಿದಂತೆ.
